დასრულდა 48 საათიანი მოთელვითი გასვლა ნადარბაზევის ტბაზე!

დასრულდა 48 საათიანი მოთელვითი გასვლა ნადარბაზევის ტბაზე!

აღნიშნულ მოსამზადებელ ტურნირში მონაწილეობა მიიღო ფედერაციის ოთხმა გუნდმა!

წყლის უჩვეულოდ დაბალმა ტემპერატურამ (8.5 გრადუსი) ძალიან ნეგატიურად იმოქმედა თევზის აქტივობაზე და მთელი ტურნირის განმავლობაში მხოლოდ ერთმა გუნდმა (სიხარულიძე/აბაიაძე) შეძლო 1.51 კგ ზომის კობრის დაჭერა.

მიუხედავად ამისა, 2022 წლის სეზონის გახსნა მაინც გამოგვივიდა და უკვე თვის ბოლოს, სტარტს აიღებს ფედერაციის მიერ ორგანიზებული ოფიციალური საკვალიფიკაციო ეტაპი, სადაც 14 გუნდი მიიღებს მონაწილეობას!

ყველა კარპ ფიშერს ვუსურვებთ წარმატებულ და უხვთევზიან სეზონს!

სამოყვარულო ლიგის მეორე ეტაპი - საბოლოო შედეგები

9-11 ივლისს, საქართველოს კარპ ფიშინგის ფედერაციის პატრონაჟით, რიგით მეორე სამოყვარულო ტურნირს უმასპინძლა ნადარბაზევის ტბამ!

აღნიშნულ ტურნირში მონაწილეობა მიიღო 10-მა გუნდმა (A ლიგა 2 გუნდი/ B ლიგა 8). წინა ეტაპისგან განსხვავებით, გაცილებით უფრო აქტიურობდა კობრი რამაც საბოლოო რეზულტატებზეც დადებითად იმოქმედა. ჯამში, ჩვენმა მოყვარულმა სპორტსმენებმა 135.52კგ-ის დაჭერა მოახერხეს, საშუალო წონით 3.66კგ.

გთავაზობთ ტურნირის საბოლოო შედეგებს:

9-11 ივლისი - სამოყვარულო 2 ტური - 2021

.xlsx

Download XLSX • 173KB

გთავაზობთ მიმდინარე სატურნირო ცხრილს, ორი ტურის შედეგების გათვალისწინებით (ტურნირის წესების თანახმად, საბოლოო რეიტინგში გათვალისწინებულია მხოლოდ მოყვარული გუნდების შედეგები)

სამოყვარულო ჩემპიონატი 2021 - 2 ტური - შედეგები

.xlsx

Download XLSX • 14KB

სამოყვარულო ტურნირის მეორე ტური - 9-11 ივლისი!

დღეს დილით, სტარტი აიღო საქართველოს კარპ ფიშინგის მიერ ორგანიზებულმა სამოყვარულო ტურნირის მეორე ეტაპმა! აღნიშნული ტური 48 საათიანია, რომელშიც 12 გუნდი მიიღებს მონაწილეობას! კვლავინდებურად, ტურნირს ნადარბაზევის ტბა უმასპინძლებს! სამოყვარულო ტურნირის წესების თანახმად, გუნდები განლაგდებიან ერთ ზონაში (ზონა B), სადაც სექტორებს შორის დაცილება იქნება 50 მეტრი. ტურნირის მსვლელობისას, მაქსიმალურად შევეცდებით რომ მოგაწოდოთ უახლესი ფოტო/ვიდეო მასალა. ასევე შაბათ-კვირას იგეგმება ლაივ სტრიმებიც ჩვენს Youtube არხზე!

ასევე, დღეში სამჯერ შემოგთავაზებთ მიმდინარე პროტოკოლებსაც (09:00; 15:00, 21:00) ჩვენს Facebook გვერდზე!