სამოყვარულო ტურნირის მეორე ტური - 9-11 ივლისი!

დღეს დილით, სტარტი აიღო საქართველოს კარპ ფიშინგის მიერ ორგანიზებულმა სამოყვარულო ტურნირის მეორე ეტაპმა! აღნიშნული ტური 48 საათიანია, რომელშიც 12 გუნდი მიიღებს მონაწილეობას! კვლავინდებურად, ტურნირს ნადარბაზევის ტბა უმასპინძლებს! სამოყვარულო ტურნირის წესების თანახმად, გუნდები განლაგდებიან ერთ ზონაში (ზონა B), სადაც სექტორებს შორის დაცილება იქნება 50 მეტრი. ტურნირის მსვლელობისას, მაქსიმალურად შევეცდებით რომ მოგაწოდოთ უახლესი ფოტო/ვიდეო მასალა. ასევე შაბათ-კვირას იგეგმება ლაივ სტრიმებიც ჩვენს Youtube არხზე!

ასევე, დღეში სამჯერ შემოგთავაზებთ მიმდინარე პროტოკოლებსაც (09:00; 15:00, 21:00) ჩვენს Facebook გვერდზე!

ცვლილება 2021 წლის საქართველოს ჩემპიონატის კალენდარში - V ტური

მსოფლიოში შექმნილი კოვიდ პანდემიის გამო, სამწუხაროდ FIPSED-მა მიიღო გადაწყვეტილება წლევანდელი მსოფლიო ჩემპიონატის გაუქმების შესახებ, რომელიც სექტემბერში უნდა ჩატარებულიყო. საქართველოს კარპ ფიშინგის ფედერაციამ, A ლიგის გუნდებთან შეთანხმებით გადაწყვიტა რომ ოქტომბერში დაგეგმილი მეხუთე ტური, ნაცვლად 14-17 ოქტომბრისა, ჩატარდეს 30 სექტემბერი - 3 ოქტომბერს. აღნიშნულ ტურსაც, კვლავინდებურად ნადარბაზევის ტბა უმასპინძლებს!

გთავაზობთ 2021 წლის განახლებულ სათევზაო კალენდარს

საქართველოს ჩემპიონატის მესამე ტურის შედეგები

დასრულდა საქართველოს ჩემპიონატის მესამე ეტაპი კარპფიშინგში! აღნიშნული ტურნირი, ნადარბაზევზე აქამდე ჩატარებულ ეტაპებთან შედარებით ნაკლებად შედეგიანი გამოვიდა. როგორც ტურნირის მსვლელობისას გახდა ცნობილი, კობრი ჯერ კიდევ ქვირითობის აქტიურ ფაზაში იმყოფება რაც მის კენკვაზეც უარყოფითად აისახა. 72 საათის განმავლობაში, ჩვენმა სპორტსმენებმა ჯამში 35 კობრის დაჭერა მოახერხეს, ჯამური წონით 102.99კგ!

A ზონის გამარჯვებული გუნდი Ultra (ახვლედიანი) გახდა, ხოლო B ზონას კი GiNo-მ (სადუნიშვილი, ღვალაძე) ულიდერა.

გთავაზობთ ტურნირის საბოლოო პროტოკოლს და ასევე მიმდინარე სატურნირო მდგომარეობას!

Y2021 - 3 Round

.xlsx

Download XLSX • 174KB

Y2021 - As of 3 Round

.xlsx

Download XLSX • 21KB